【 我的愛情故事 】前主播鄭萃雯見到老公仲會怕醜?

前TVB新聞主播鄭萃雯俾人印象斯斯文文，未知佢點同老公相處，同老公關係又係點嘅呢？等佢親口同咁多位單對單約會及Speed Dating客人講講啦～

鄭萃雯同老公係因為一齊工作而認識，當年老公見佢係妹妹仔，好心俾工作意見佢，最後大家日久生情而拍拖。佢表示當年結婚雖然一早有預算，但到真係被求婚時都好感動架。佢好欣賞老公認真、顧家同會俾好多意見自己，同佢一齊好有信心。

鄭萃雯表示同老公都非常宅，雙方對未來都有規劃，會一齊實行。佢地兩個可以喺屋企各自做自己事，感到好舒服，唔會唔開心，佢而家見到老公仲會怕醜架！婚後佢地生咗對孖胎，由於鄭萃雯本身都想有大家庭，知道消息後都幾開心。不過老公就有啲唔開心，事關佢本身揸開二人車，一下子好似變咗好似小巴司機咁。

話雖如此，老公喺囝囝初生階段，一直特登調去番夜班，目的係方便幫手湊仔。因為大家都係以家庭為重，認為工作只係支援屋企，所以佢地都好投入家庭生活。佢話好彩大家都容易相處，好感激對方係自己伴侶。鄭萃雯愛情故事簡單但甜蜜，希望各位單對單約會及Speed Dating客人都會好似佢咁遇到一位合拍嘅伴侶！

資料來源: 

goldenmatching.com / hkrd.com.hk / hkrdfashion.com/ daydaygodating.com 

 

上一篇Speed Dating單身資訊: 【熱搜話題】汪小菲婚內出軌 反擊前妻大S食違禁藥後又刪帖
下一篇Speed Dating單身資訊: 【專家教室】壓力大原來會爛面? 個樣睇起嚟老十年?想改變只靠呢招...