開始一段感情前應考慮什麼因素？

要有良好戀愛關係，其實我地唔係拍拖後先改變架，拍拖前就應該做好準備。HK Romance Dating創辦人Yubi黃嘉如同香港交友約會業總會社交力學培訓導師Miracle從唔少客人身上發現有啲觀念大家要好好正視，咁樣拍拖先至健康～

首先大家要作好準備，男女都要有穩定經濟狀態。大家唔好太嚮往一見鍾情，成件事只係冰山一角，係喺缺乏資訊下作出決定。不過雖然要sell資源，大家唔好咁刻意講，要謙虛啲俾人留意到。

客觀環境方面，大家要預備好時間同空間，有dating時間，俾人進入到你世界。曾經有位單對單約會成熟女士想拍拖，但又成日強調單身好處，咁嘅矛盾心態下好難有關係開始架。單身有好處，但想拍拖的話你應該搵下有啲咩活動同興趣係需要伴侶一齊進行同享受，咁你先會更易吸引到人。

大家又要準備個心，想進入關係唔係為免去孤獨感同唔開心，要不你最後只會變搵水泡。有類Speed Dating客人會有種氣場拒絕人，例如問你職業時都要隱隱悔悔，咁樣會拒人於千里之外架。你一定要打開個心，任何人際關係都係，令人容易進入自己圈子。

最後大家記得唔好太追求結果，例如曾有Speed Dating客人送花係預視到女朋友會開心，而唔係真係想人開心。相處下來，女朋友感到到佢唔係真心因而離開。同埋大家唔好令人有壓力，唔好因為家人而催對方做啲咩，令關係變差。

資料來源: 

goldenmatching.com / hkrd.com.hk / hkrdfashion.com/ daydaygodating.com 

 

上一篇Speed Dating單身資訊: 從內到外的健美Tips
下一篇Speed Dating單身資訊: 【脫單搞得掂 】咩年齡層人士會參加單對單？