【青年創業軍】: Speed Dating行業仲有咩進步空間？

Speed Dating行業大大話話都喺香港紮根二三十年喇，由當初同業者處理服務手法幼嫩，到近幾年大家質素大幅上升，可以見到呢個行業已經進步咗好多。不過，究竟呢個行業仲有咩進步空間呢？

不得不說，有樣好簡單嘅嘢好多Speed Dating公司可以做得更好，但又有好行家把持唔住，答案就係唔搵媒喇。即使到今日，當我地同事出面認識到新朋友，談及職業時，朋友第一句就問：「你係咪間中都要做媒架？」我地都唔可以怪外間朋友有呢個諗法，因為到今時今日都真係仲有公司咁做佢地先會咁諗，所以我地都希望同行多啲諗改善方法增加客源，而唔係靠搵朋友做媒解決燃眉之急。

另外，Speed Dating公司們要記得我地行業宗旨係幫人，呢樣關乎客人終身幸福，我地唔應該因為佢地想脫單而急速喺佢地身上搵著數。點解咁講呢？因為直至最近我地仲成日喺新聞聽到有Speed Dating公司「劏客」，會誘使部分客人，特別係中年女士付出近六位數字金錢，然後不了了之，冇跟進佢地個案。再者好多時呢啲不良公司都係會用海鮮價對待客人，較難配對客人就要俾好多錢，質素較好客人就近乎免費，令後者有啲無心裝載，唔會認真對待配對者。因此，希望各同行者勿忘初衷。

不過都要讚一讚同行，大家近年搞活動都多咗好多心思，由以前Speed Dating活動餐廳質素麻麻，到而家大部分活動都變得好得體。加上活動變得多元化，客人可以就住唔同興趣參加唔同活動，更易認識志同道合伴侶。另外部分公司好努力提升客人質素，提供各種內外提升服務等佢地更易脫單。各位參加者可以貨比三家先，支持有心提供服務嘅公司，互相合作脫單啊。面對有心Speed Dating公司，各位客人都請有心一齊努力配合，相信我地嘅專業，咁就好易成功的～

**註: 「香港交友約會業總會」是非牟利之會員制交友行業組織，於 2018 年 9 月註冊成立，宗旨是團結香港交友約會 Speed Dating  戀愛輔導 業界，提升交友約會從業員的專業知識、專業操守和社會地位。

資料來源：

goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

上一篇Speed Dating單身資訊: 【青年創業軍】: 疫下Speed Dating公司的新出路？
下一篇Speed Dating單身資訊: 【青年創業軍】網上Speed Dating可以點搞？