【青年創業軍】: 香港交友約會業總會: Speed Dating裏面暗藏好多筍盤?

Speed Dating Federation 香港交友約會業總會認為，Speed Dating裏面暗藏好多筍盤。究竟我哋見過咁多客人，會唔會覺得呢班高質單身專業人士特別難服侍呢？答案可以話係，亦都可以話唔係。

咁講唔係想玩大家㗎，因為背後有太多因素啦。首先講吓點解難服侍啦，因為呢班專業人士條件高，自然都唔想伴侶背景同佢哋差太遠，所以有時處理單對單約會個案時，未必有太多配對俾到佢哋選擇。因此去到最尾大家有冇約會對象，都要睇吓大家會唔會願意調節要求，如果客人彈性比較高，例如未必要求對方要喺某幾間大學畢業，而比較注重對方談吐性格，最後相對地會比較容易成功。咁當然啦，如果客人比較有堅持，相對地都需要等較耐時間。

不過有一點要糾正大家，有好多人會認為，高質專業人士如果係單身，一定係性格比較難頂啲先要黎Speed Dating。其實呢，我哋可以話俾大家知，性格同背景好多時都冇關。有啲高質專業人士，例如廿幾歲嘅女醫生，都明白到同佢哋差唔多年紀嘅男士，比較難好似佢哋咁高人工，佢哋會接受到人工可能只係及佢哋一半嘅男士。反而有啲做比較普通工作嘅女仔，會期望男士一定要過百萬年薪，所以要求同埋背景都冇乜關係，唔會話高質專業單身人士一定較難服侍。

話高質專業人士難服侍嘅原因，可以話只係未必有咁高比例嘅人背景同佢哋符合。但如果客人接受範圍較廣，比較注重對方性格內涵，我哋配對顧問唔會覺得佢哋係教難應付嘅。講個有趣故事俾大家聽丫，我哋甚至見過一次speed dating活動上，有位年輕女律師因為怕男士介意佢職位太高，甚至會講自己係律師樓文員，最後同位做文職嘅男士配對成功。難唔難服侍，都主要睇大家性格如何嘅～

 

**註: 「香港交友約會業總會」是非牟利之會員制交友行業組織，於 2018 年 9 月註冊成立，宗旨是團結香港交友約會 Speed Dating  戀愛輔導 業界，提升交友約會從業員的專業知識、專業操守和社會地位。

資料來源：

goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

上一篇Speed Dating單身資訊: 【青年創業軍】: 約會業 應列入「防疫抗疫基金」
下一篇Speed Dating單身資訊: 【青年創業軍】: 香港交友約會業總會 打開心理治療市場