女仔鍾意邊類型男仔?
女仔鍾意邊類型男仔?呢個係唔少Speed Dating男仔嘅疑問,今次等見盡無數男女客人嘅現代紅娘、HK Romance Dating創辦人Anita張惠萍話俾大家知個答案啦!
第一,大部分女仔都鍾意男仔叻過自己,特別生活喺東方社會嘅我地,文化係希望向上流,同埋著重男主外女主內。我地女仔都希望搵到個有決策力嘅領導者,會帶領家庭發展,所以搵伴侶時都希望搵個比自己冷靜、叻同財政更好嘅男士,希望將來家庭可以靠佢。唔好話港女現實呀,男女要求唔同,就好似男仔都想搵個溫柔體貼嘅女仔。
第二,我地都希望對方上進樂觀,唔好以為一定關錢事,我地只係想搵個熱愛自己工作嘅男仔,因為會想像到佢有進步嘅一日。正如唔少女仔都會想進步、發奮工作,男仔見到佢地都會想更努力。男仔最好唔好成日埋怨工作同講人是非,講少少可以,太多就唔好喇。你有壓力的話,可以去食野、去玩發洩黎代替。
第三,女仔鍾意大方嘅男士,表現包括會照顧人同多為對方設想,例如會讓佢去間佢想去嘅餐廳先。互相遷就好緊要架,俾對方長時間見到你關懷佢,佢就容易對你更有好感。如果你想同對方長線發展,最好表現大方啲。雖然通常男士俾大部分約會開支,但如果女仔見到你好算死草,好易會對你印象大打折扣,失禮說話記得唔好講出黎。
最後,我地都好睇外表打扮,唔少單對單約會女客人收入同學歷都OK,都唔使要對方好有錢,只要男仔性格外表OK就可以。外表係先判斷你性格好唔好嘅第一步,但又唔使好靚仔,太靚仔我地會驚你好花弗,大方同氣宇軒昂型就最受歡迎喇。每次出街前各位男士最好先照鏡,唔好得過且過,以免成為泡灰啦。
總括黎講,女仔只係想要雄性領袖,無論外在內在都係,大家要表現大方得體啲,要有自信,顯示出你熱愛生命,會樂觀積極面對問題。每一日大家可以同琴日嘅自己比較,今個月又比較上一個月,自自然然你就會見到自己進步架喇。
文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com
#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女
上一篇Speed Dating單身資訊: 女生介唔介意男生多線發展
下一篇Speed Dating單身資訊: 男仔鍾意邊類型女仔?