【現代紅娘每週大爆料】女生如何迫婚？

上一次HK Romance Dating創辦人Anita教咗各位男士點令女朋友想同你結婚，今次係時候教各位女士喇。好多單對單約會同Speed dating女客人，之前因為前度唔想結婚而分手，如果唔想重蹈覆轍，各位記住睇影片喇～

首先，你要分清楚究竟你自己定係屋企人想結婚先。可能屋企人成日催你結婚，怕你變高齡產婦，最後你唔覺意將壓力擺咗喺男士身上，所以各位要搞清楚自己想點，會唔會其實你都唔係咁恨嫁呢？

雖然早生小朋友係好事，但其實大部分人只係想生一兩個，都未必真係要廿幾歲就生。加上有啲女仔未調理好身體，廿幾歲結婚都要30幾歲先生到。其實如果男朋友同你夾，同你相處舒服，正常最後你地都會步向婚姻。但你都要先清楚佢價值觀，如果對方唔想結婚生仔，乜都話隨緣嗰啲，你都好難改變佢嘅觀念。

如果你地初步已有共識，之後你都唔使刻意講，可能拍拖一兩年後先問下佢計劃。但假如對方耍你時，你自己都要有底線。女仔要記得要冷靜認真同對方傾，俾對方知你諗法，令男朋友知道佢唔認真時會失去你，當然前題你唔係港女啦，男朋友同你相處覺得舒服。

可能有啲男仔話疫情關係而要延遲計劃，呢個原因其實都可以體諒嘅，俾一年對方係合理時間。不過如果你見對方一直拖，你都可以走，相反如果你都見對方好努力，你可以鼓勵對方。記得女仔心理質素要好高，一定要堅持自己立場，唔好俾家人壓力影響到你地兩個嘅計劃。

有時有啲Speed dating女客人會問我地同男朋友同居好唔好，講真Anita真心唔建議，因為同居同夫婦生活冇乜分別，大家唔好怕失去而應承對方。

又有啲Speed dating客人有時怕結婚後冇私人空間，或者財政壓力增加。其實唔係架，結婚後生活變平淡，大家共用資源，其實會慳番好多錢，而且一齊煮飯比出街食平好多。生小朋友方面，
教育有冇壓力都係睇你自己，如果唔上playgroup，而係實行家教，多陪小朋友睇書，你都未必使好多錢。婚姻係愛情最大承諾，大家真係唔好怕結婚啊～

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧

上一篇Speed Dating單身資訊: 【現代紅娘每週大爆料​​​​​】女友死都不肯結婚怎算好?
下一篇Speed Dating單身資訊: 【現代紅娘每週大爆料】如何分辨伴侶有無小三?