【現代紅娘每週大爆料​​​​​】Speed Dating好多媒？

Speed Dating係咪好多媒架？我諗呢個係好多人一聽到Speed Dating就會有嘅反應。HK Romance Dating創辦人Yubi黃嘉如會為大家分析一下呢個問題。

媒分兩種，一種就唔係單身，另一種佢可能係單身，但就冇心搵伴侶。可能好多人覺得，唔夠人的話，Speed Dating公司就需要搵媒黎幫手。不過其實從經濟層面分析，Speed Dating公司要搵媒其實好唔符合效益，假設Table for 6活動，我地差兩位參加者，如果真係搵媒的話，我地要俾餐錢之餘，仲要額外付出媒嘅人工。如果長期咁樣落去，一間Speed Dating公司都幾難唔執架。

我地HKRD好多時活動都會爆滿，有時客人仲會跌入waiting list添。其實如果一間Speed Dating公司有一定歷史，客底應該都好充足，我地至今有超過20,000名登記者，當活動真係差幾個人，我地都會問下呢班客人有冇興趣參加。再者我地單對單會員參加活動有折，好多時佢地都好有心搵對象，會參加埋Speed Dating活動雙軌認識朋友，我地真係冇需要搵媒。

提提大家，我地公司有罰款制度，大家都見到我地網站寫咗，如果參加者虛報年齡或感情狀況等資料，係需要罰款的。如果大家參加活動時發現有虛報資料者，可以向我地舉報，我地會永久Blacklist佢。可能你又會問，咁點解有時我地工作人員會同某幾位客人會特別多偈傾？其實都好簡單嘅，某啲參加者可能係熟客，同我地傾多幾句都好平常，佢地絕對唔係媒黎嘅。我地曾經獲政府頒嘅「香港工商業獎 - 顧客服務獎」，拎呢個獎前，政府長期派出神秘顧客黎測試我地，至今我地係唯一一間交友公司拎到呢個獎，大家可以絕對放心。

好多媒呢個問題，可以話係長久以黎嘅都市傳說，以我地意見，可能一啲年資較淺嘅Speed Dating公司客底唔夠先有機會要請媒。大家參加活動前可以先貨比三家，我地就有足夠條文保障大家喇。

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧

上一篇Speed Dating單身資訊: 【現代紅娘每週大爆料】 參加Speed Dating後同對象好難有後續發展?
下一篇Speed Dating單身資訊: 【現代紅娘每週大爆料​​​​​】女友死都不肯結婚怎算好?