【Mean Baby】最下流招數　扮肚痛走人

我地見工時，都會執到靚一靚示人，見客時都會著番套套裝，點解？因為就算你唔承認都好，第一印像真係好重要。唔係話實力唔重要，只不過加埋包裝，成件事會提升，所以呢件事並唔係負面。

同樣地，我地Speed Dating同單對單約會客人認識異性時，好多時都會花更多心機打扮。同時，在提供Profile pics前也會先悉心打扮一番，影張靚啲嘅相。再重覆一次，正如我地見工前都會影番張靚啲嘅見工相一樣，並唔係欺騙人，反正如果同真人相距甚遠嘅相，我地都唔會採用。

有次男客人K，約會女客人A，本身都話就到場地，但最後喺餐廳門口見到對方，竟然突然話肚痛走人，真係好冇品！

其實A張相真係同真人差距唔遠，但佢平時通常著牛仔褲，化妝比較淡，所以先有少少落差。但男仔同女仔睇事情唔同，可能K離遠見到對方，唔係著連身裙高跟鞋，已經覺得唔適合。

事後我地都有提A平時約會都要留意下打扮，但同時都有叫K唔好再咁做，既然一場黎到，應該食餐飯再了解下對方先，分分鐘你傾完偈，覺得同對方好啱傾呢。

做人要有品，突然扮肚痛走人，係人都知咩事啦，影響到自己名聲架！

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧

上一篇Speed Dating單身資訊: 【名人愛情錄】嫁豪門未必最開心 花旦遇第二春更高調
下一篇Speed Dating單身資訊: 【Mean Baby】A0女洗心革面 一撃即中步入教堂