【Mean Baby】 女人啊！買手袋都係靠自己吧！

我地曾經分享過唔睇錢唔睇外表嘅單對單約會優質女客人例子，佢地真係好好，好識欣賞一個人嘅內在美。不過都要坦白同咁多位講，我地都見過一啲比較著重物質嘅女仔，我地認清事實後，就只能默默祝福對方喇～

呢位單對單約會女客人F都幾靚女架，所以，以前都識過幾位有錢男朋友。不過我Mean Baby都講過無數次，漂亮外表無疑係幫你爭取到更多入場券，但要有長遠穩定感情，就好睇性格喇。就係因為咁，F雖然識過好幾位筍盤，最後都被分手。

F嚟做單對單約會咨詢時，提番以前男朋友係幾咁有錢，所以希望搵番個年薪起碼過百萬又要有物業嘅伴侶。雖然我哋公司都有唔小咁嘅筍盤，但我地都察覺問題所在，多次同佢深情傾偈，分享番我地幾位同事嘅愛情故事，我地想話俾佢知真愛無價，touch wood我哋老公有咩事失業，我哋都依然會愛佢，陪佢渡過難關。

不過喺F嘅世界中，“愛”喺關係中，並唔係必需品，佢著重嘅只有對方俾唔俾到物質資源佢。

因為F外表唔錯，都先後有幾位條件唔錯嘅單對單約會男會員邀約佢，但好快男士們就話冇興趣繼續了解佢。事關F都幾坦白，每次約會都會要求去中高級餐廳，而且拖都未拍，就會要求男士送某個名牌手袋俾佢。後來，F因為喺出面識到男朋友而完結合約，不過聽聞，之後冇耐佢地就散咗喇，直到今日F依然係單身。唔知隨住歲月增長，佢會唔會大個囡咗識諗咗呢？

 

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧

上一篇Speed Dating單身資訊: 【Mean Baby】慢慢現型的港女…
下一篇Speed Dating單身資訊: 【Mean Baby】 真人版美女與野獸