男士含蓄表達愛意的方式

男士們，想對方表達自己愛意係必須既，唔想太直接講「我愛你」擔心嚇親心儀對象。究竟表達愛意，有邊啲較含蓄啲既方法呢?

閒時發有趣信息
好多男士可能會覺得發一條小小的信息，好似意義唔大，不過如果你既信息係能夠氹到對方笑，當然會係更好。其實女士會知道，你閒時都會發信息問候、氹佢開心，佢係會知道你對佢既愛意。

用眼神表達愛意
「眼神接觸」不單只係互相吸引既最佳方式，亦都係示愛既巧妙手段。同心儀對象約會時，唔好怕醜，多啲望向對方，甚至用愛慕既眼神去凝視對方，可能女士會問「點解你會望實我?」，你可以表達「因為周圍最吸引我既人就係我眼前。」

用心聽女神說話
每次約會認真傾聽對方講話，給予回應係保持良好關係既一個重要條件。當另一半訴說一天發生既事，而你認真傾聽對方既說話，而且又給予支持、讚美，又會分享自己相同既事，其實都係一種表達愛意既方式，因為佢會知道你好在意佢所說既野。

生活小事顯愛意
為咗突顯你對佢既愛，可以通過日常生活既小動作表達出嚟。當然，例如你會早少少去餐廳攞位唔使佢等，送佢返工放工，甚至你了解佢喜好後，有時送驚喜小禮物氹佢開心，呢啲都係表達愛意既好方式。

 

作者: 黃嘉如 Yubi Wong ( HK Romance Dating Ltd Director ) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

 

上一篇Speed Dating單身資訊: 參加Speed Dating有甚麼好處?
下一篇Speed Dating單身資訊: [Winson 深情剖白]發展新戀情前，與前度的IG相應否刪掉呢?