Kahlen 深情剖白: 戀愛有限期

近幾年愈黎愈明白時間唔等人嘅道理，早前見到唔少舊同學慶祝母親節，突然覺得好有趣。早四年大家仲慶祝緊情人節，其後陸續有人訂婚，到呢一兩年大家再相繼不停post BB相。以前我仲係單身時都覺得感情嘅事係隨緣，到而家發現一年間人生真係可以完全改變後，就覺得做人要努力啲了。

不得不說，時間競賽上女性係比較輸蝕，不久前先知道醫學上定義高齡產婦年齡為35歲，雖然過咗呢個年紀先生仔嘅大有人在，但生育始終係高風險項目，有得揀當然愈早生愈好。個人認為28至33歲結婚係比較理想的，呢個年紀開始組織家庭，有足夠成熟度。如果你唔prefer小朋友，都不妨客觀睇番市場狀況啊，30歲尾嘅男士都偏好20尾至30頭嘅女士。唔係批評你或排除你極具吸引力，以上只係客觀事實。

至於男士，雖然大家確實有更多時間慢慢揀，但除非你真係好似keep到郭富城咁，否則唔係咁多女士接受到大自己13年或以上嘅伴侶。一位四十中嘅男性朋友都話佢而家面對嘅處境係，選擇唔係冇，只係有得揀嗰啲，好多時自己都唔係咁鍾意。所以都建議男士40歲以前搵番個穩定伴侶，否則過多幾年你喜歡嘅類型女仔都嫁哂人嚕～

作者: Kahlen Li (HK Romance Dating Ltd Matching Consultant) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 8大約會話題，絕無悶場!
下一篇Speed Dating單身資訊: Kahlen 深情剖白: 我的減肥方法