[名人愛情錄] 李安成功背後有個強悍老婆

常言道，每個成功男人背後都有個成功嘅女人，而大導演李安則坦白話：「我是個怕老婆的男人，沒有我『強悍』的老婆就沒有我的今天。」台灣女性一般俾人印象都係好小鳥依人，但李安太太林惠嘉好有型，一直認為女性要獨立，冇打算靠男人，所以愛邊個就揀邊個。

想當年畢業後，李安有6年做家庭主夫，佢同林惠嘉講因為唔想失去任何電影業機會，唔可以去打工。換轉其他人，可能會心諗呢個只係耍廢嘅藉口，但林惠嘉不以為然，認為「說的是你的前途，欺騙的也是你自己嘛。」從事神經元性疾病研究工作嘅佢，對於自己賺錢養家感到非常自然，有次兩公婆買餸，有位太太對林惠嘉講：「你真好命，你先生現在還有空陪你來買菜！」林惠嘉即時回應：「你有沒有搞錯？是我今天特別抽空陪他來買菜！」

雖然李安冒出頭來後好多人都讚林惠嘉唔話得，但林惠嘉只係淡淡然話：「我只是不管他。再多一句的話，就是沒扯他後腿。」佢真係完全冇為對方添煩添亂，生大仔時李安忙剪片，佢竟然自己去揸車醫院生。再加上林惠嘉唔著重物質，會叫李安千祈唔好買鑽戒俾佢，反而買個排球就得，因為好玩啲。有呢個太太，李安都好識感恩，當年已發誓要拎個金像獎俾對方。最後成功咗，李安都冇沖昏頭腦，喺五光十色嘅影圈中依然零緋聞，努力回報番太太。

 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 視像Dating都可以讓你找到另一半
下一篇Speed Dating單身資訊: [名人愛情錄] 陳慧琳零緋聞原因