本地VS異國戀（下）

今次繼續講異國戀，不過都係嗰句，以下只係我有限嘅經歷，大家當作參考吧～

話時話，有時都唔想將人分類，正如我老公所講，以往當有女仔問佢覺得香港女仔點樣時，佢都心諗呢條問題意義不大，唔係好想答，所以我今次會首先講下香港同外國男仔有咩相同之處。首先，大家都係男人（路人：廢話！），所以基本上大家嘅性格都係一樣，需要英雄主義，需要受人尊重。所以，無論邊個國籍男子，都會喜歡俾女伴崇拜同讚美。成日都好想同標榜自己係「女漢子」嘅女仔講，能幹同有自信係好事，但唔使將傳統嘅強勢概念放喺自己身上，然後又埋怨冇人欣賞。女性陰柔嘅力量其實有時仲大過男性嘅剛強，即管探索你女性化嘅一面吧，唔使下下都贏嘅。

好喇，至於有咩唔同呢，我認識嘅男仔當中，無疑外國男仔通常較獨立。以我老公為例，佢18歲就自己一個人住，因為如果仲同家人住，喺佢家鄉，係會俾人笑的。另外唔少國家，都認為成年後你已經係個體，唔會再特別照顧你，所以佢地不論男女都較獨立。睇你本身喜好吧，如果你好似我咁嚮往自由，唔喜歡報到，可能你同外國人拍拖會開心啲。

但亦都因為咁，歐美國家好多男仔確實冇咁著重家庭群體性的。曾經聽過一個德國女仔講，佢同而家嘅菲律賓男朋友一齊初期時感覺冇乜特別，但自從有次飛去探訪佢屋企後，佢態度轉變得好厲害，愛男友多咗一百倍！原因係佢第一次體驗到亞洲式嘅家庭生活，感覺極之窩心。如果你咩都喜歡預埋爸爸媽媽一份的，始終都係香港或亞洲男士較適合你。

 

作者: Kahlen Li (HK Romance Dating Ltd Matching Consultant) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 本地VS異國戀（上）
下一篇Speed Dating單身資訊: 疫情下點樣令愛情保鮮呢?