[名人愛情錄] 平淡是福—發哥發嫂sweet足幾十年

娛樂圈中，親和力最強嘅人物一定係周潤發！咁多年嚟，大家都鮮有聽到佢嘅醜聞，佢同發嫂陳薈蓮嘅感情，更加係受到大眾推祟，究竟佢哋點解可以sweet足咁多年呢？

我諗大家每次見到呢對夫妻，最大嘅感覺就係「舒服」！雖然發哥身為影帝，發嫂又出身於富戶，但兩位當年只係即興咁俾咗15美金就喺美國完成婚事，簡簡單單就開始咗之後幾十年嘅婚姻。佢哋咁多年嚟都係咁簡單，即使發哥最後進入荷李活市場，兩個人最大嘅興趣都只係一齊做運動、行山同行街市，真係咸魚白菜已經好好味。　

想當年發嫂受到批評，被指唔夠靚，襯唔起發哥，發哥就護航話佢咁多年嚟見盡唔少美女，但要搵女朋友，一定要搵個有內在美嘅。發嫂亦真係好賢淑，成日陪發哥周圍去拍戲，每次發哥發言，佢亦都會默默咁聆聽，十分之溫婉。

同樣地發哥亦都好愛護發嫂，當年佢哋不幸小產後，發哥即時停低所有工作照顧太太。另外發嫂指發哥好尊重同俾好大自由度佢，唔會干涉佢生活。發哥亦好循規蹈矩，平時唔工作就只係做運動，其餘時間都留喺屋企，係個令人安心嘅丈夫～

若果你日後聽到其他令人揪心嘅愛情故事，不妨諗番發哥發嫂呢對夫妻平衡一下，繼續相信愛情嘅美好～

 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

 

上一篇Speed Dating單身資訊: 炎炎夏日 4大室內拍拖好去處
下一篇Speed Dating單身資訊: [名人愛情錄] 離過婚又點喎! 5大再婚女星 再覓真愛