【配對故事：超級筍盤忙到拍唔到拖?】

咁啱得咁橋，我遇著男筍盤客人機率比較高，今次主角就係45歲嘅H先生。

H先生外國回流，係位成功嘅商人，從前銀行業出身，後來有感行業發展有限，把心一橫跳出嚟開公司，而家成績相當不錯，一個月搵幾十萬（邊一行廢事透露因為係佢私穩）。佢經歷過一次婚姻，當時因為溝通不足而分開，但近年痛定思痛，想儘快投入另一段感情組織家庭。

H先生雖然已經45歲，但外表好年輕，望落似35歲，而且好有衝勁，除咗本業，仲有好多諗頭，經常展開新項目。性格方面，佢有風度又謙虛，認為自己仲有好大進步空間，甚至驚女仔覺得佢悶。

最近疫情不但冇影響H先生業務，佢反而有更多生意，連飯都冇時間食。本來我都擔心佢約會進度會受影響，點不知佢只係join咗短短一個月就拍拖喇。對方係位社福界人士，外表甜美，性格活潑，好快就吸引到本身掛住工作嘅H先生。

所以話，忙唔係一個原因，更忙都好，有心的話，都好容易拍到拖！

作者: Kahlen Li (HK Romance Dating Ltd Matching Consultant) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 情侶磨合 5 Tips
下一篇Speed Dating單身資訊: 【配對故事討論：阿媽搵女婿，心急過阿女 (上)】