[名人愛情錄] 成就高低與否 身邊有你最重要

張繼聰同謝安琪（Kay）識於微時，兩位都喺2005年加入樂壇做歌手，張繼聰當時主動出擊，問謝安琪攞電話後，約佢看電影。但係當時進入樂壇既Kay係「明日之星」，憑《姿色份子》一歌爆紅；而張繼聰名氣較低，好多人都話張繼聰配唔上Kay。

2006年11月，謝安琪突然宣布懷孕，兩人奉子成婚，Kay當時要暫別樂壇。唔少人覺得張繼聰拖累謝安琪，不斷叫佢做「謝生」、「廢柴老公」。但都無阻兩人結婚既意願，亦都生咗仔仔James。

謝安琪產後復出後，憑一首《囍帖街》爆紅，橫掃各樂壇頒獎禮獎項，成為天后級歌手。結婚初期，張繼聰收入相對唔穩定，謝安琪都無埋怨，反而同男家一齊住屋邨。

謝安琪事業攀上高峰，負面新聞不斷，謝安琪被指整容上癮，加上事業同緋聞壓力，令謝安琪出現抑鬱症之中。張繼聰力撐婆，但一直被指「女尊男卑」，令佢同樣被病魔影響。由於佢深愛Kay，唯有頂硬上，一起慢慢走出陰霾。

Kay多年嚟事業都好好，更獲選香港十大傑青。張繼聰亦冇氣餒，繼續做好自己，加入TVB拍電視劇，一劇接一劇，之後擔正做男主角，精彩演出大獲好評！加上拍攝各大廣告及電影，出鏡率亦多咗好多，最終成功搣甩「廢柴老公」之名。後來，二人更搬到比華利山屋苑。

其後，Kay喺2017年生囡囡張靖時，張繼聰更令太太可以完全放下工作，安心養好身體，停工湊女：「真係擺低工作，以家庭為先，只要睇住小朋友開心就乜都值得！」佢哋依家一家四口幸福開心生活。

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: [名人愛情錄] 結婚跨越生死 患難見真情
下一篇Speed Dating單身資訊: 情侶磨合 5 Tips