[名人愛情錄] 紫霞仙子與天團樂手 因「犬」結良緣

朱茵同黃貫中的相識非常之妙，一個活躍於電視電影圈既女神，竟然同音樂天團Beyond 才子黃貫中一齊拍拖，仲結埋婚生埋小朋友。

佢哋兩個喺圈入面，一直都冇合作機會，緣份係直至黃貫中搬屋，竟然同朱茵住埋同一幢大廈，再加上阿Paul當然寶貝狗走失兩天，原來係朱茵以為係流浪狗帶返屋企住咗兩天，種種緣份將佢哋拉埋一齊，兩人先開始互相了解，然後再拍拖、結婚。

其實，朱茵因之前同圈內人拍拖好傷心，用咗幾年時間先平復，所以揀男友事事小心，對圈內人有種抗拒，但係阿Paul愛得磊落光明，朱茵先至放膽去愛。

朱茵亦都令阿Paul改變，以前係一名憤怒青年，有嗰句講嗰句，但喺朱茵面前一啲脾氣都冇，當然除咗有人講朱茵壞話，阿Paul都會大怒回應；婚後只有朱茵罵佢，但黃貫中絕不還口。真真實實俾朱茵收復咗。

2012年，佢哋仲生咗個愛情結晶品，一個可愛既女女，令兩人生活更加精彩。

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: Speed Dating公司點樣請人?
下一篇Speed Dating單身資訊: [名人愛情錄] 命中早註定 緣份愛情擋不了