【配對故事討論：50歲男士想識年輕女士，有冇機會? 】

今次嘅男主角Peter斷斷續續用咗我哋服務五年，Speed Dating、單對單約會都試過， 可能你會覺得， 個男仔年紀咁大，應該得40+嘅女仔想識佢啦。非也非也。

五年前Peter只係得45歲，時下唔少女仔其實接受到大自己10至15年嘅男士， 甚至有啲28至30歲嘅女仔都覺得成熟嘅男人特別可靠。 加上Peter keep住做運動， 個樣比真實年齡後生好多， 所以好多二字尾三字頭嘅女仔都好樂意同佢見面。

Peter遇到啱feel嘅異性都會主動約幾次出街， 啲女仔見佢又主動又細心都以為自己好快做到佢女朋友。 當我哋配對顧問準備恭喜佢拍拖成功之際， 佢往往選擇縮沙。

個女仔明明做到90幾分㗎喇喎? 點解你唔試下呀?

「 呢個女仔各方面都好好，又靚女又細心， 但35歲好似大咗啲呀， 如果拍拖兩年結埋婚都38歲， 可能難啲有小朋友喎。」「 今次呢個女仔都好好， 但始終都33， 我想試下 有冇再細啲嘅女仔想識我。」「 嘩! 你哋HKRD好勁啊， 居然搵到個26歲嘅女仔想識我呢位叔叔， 但真係溝通唔到， 好似 湊女咁。」「 呢個女仔28歲，滿足曬我所有嘅擇偶要求， 但佢真係太完美，我驚過多2年佢會嫌我年紀太大，到時先嚟分手嘅話，就會浪費我好多時間。」

呢五年以嚟，呢位男士不停 經歷以上嘅心理交戰， 嚟到今年50歲， 你估佢拍唔拍得成拖?

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 【配對故事討論：50歲男想識後生女 求愛下集】
下一篇Speed Dating單身資訊: 【配對故事討論：金融美女痴心錯付嗎？】