2020-05-23 13:39:12
【配對故事討論:港隊一姐都需要愛情(上)】
處理呢次配對個案, 係我哋公司開業以來最大嘅榮耀,令我覺得,雖然我哋無法好似運動健兒一樣為港爭光, 但我哋有幸成為佢背後嘅支持, 為佢大力打氣。
一開始收到佢份報名表, 職業一欄填咗運動員,我哋以為佢係運動教練。 當同佢做單對單約會面談諮詢嘅時候, 我哋問佢點解會單身,佢話:「 因為我喺呢項運動係一姐, 所以冇人敢埋身。」 呢個答案簡直係充滿霸氣的無奈!!
Amy (化名) 係現役運動員,除咗係香港一姐,全球排名亦係前十,但佢份人毫無架子,虛心又有禮貌。
印象最深刻係佢嚟上化妝班。通常唔識化妝嘅女仔都好騰雞, 伊娃鬼叫而且想我哋幫佢化。但Amy唔同, 佢好專注咁聽我嘅教導, 每教完一個step,佢就清楚地答:「好」,然後認真地喺自己面上畫返出嚟, 一筆一劃都達到要求, 令我頭一次感受到運動員嘅專注同專業!!
幫佢製作好profile,我哋就開始幫佢約會對象。Amy嘅配對難度在於佢成日唔喺香港, 佢幾乎每個月 都要喺外地逗留兩星期, 比賽嗰段日子基本完全唔睇電話,以免喺賽事分心。
期間都有男仔想識佢,有啲等佢完咗比賽見面, 有啲就唔願意等, 如果係你,你會選擇等待嗎?
你估呢個女仔搵唔搵到男朋友??
作者: 黃嘉如 Yubi Wong ( HK Romance Dating Ltd Director ) www.hkrd.com.hk / goldenmatching.com
#The HK Federation of Matchmaking and Speed Dating Industry #dating #matching #單對單約會 #HKMDI #一對一約會 #交友約會配對 #交友APP #Love
上一篇Speed Dating單身資訊: 【Christy又撮合一對 43歲A0 IT男 靠「純」出Pool】❤️
下一篇Speed Dating單身資訊: 【配對故事討論:港隊一姐都需要愛情(下)】