[名人愛情錄] 最強育兒夫妻 家庭分工是美滿生活的秘訣

陳豪同陳茵媺係2010年合作拍《心戰》嘅時候認識，雖然佢哋當時只係飾演兄妹，但都被邱比特嘅金箭射中！兩個喺劇中其實無好多對手戲，即時一齊拍劇，都無乜認識嘅機會。但原來陳豪每次開工都會為幕前幕後的工作人員沖製咖啡，對正熬夜拍劇嘅陳茵媺嚟講，簡直係雪中送炭，令陳茵媺非常窩心，二人就喺一杯咖啡下結了情緣，十足陳豪嘅風格！

拍拖年幾，13年就公佈結婚喜訊，今年已經係佢哋結婚六周年，育有2兒1女，但感情依然甜蜜，長期處於熱戀期嘅狀態。有人話小朋友係夫妻之間嘅第三者，有左小朋友就會忽略對方。但好彩陳茵媺同陳豪都好鍾意小朋友，對佢哋而言，小朋友絕對係佢哋嘅愛情結晶，為生活打拼嘅動力。

自從陳茵媺有咗小朋友之後，就退出咗娛樂圈，專注照顧家庭。而陳豪則全力負責搵錢養家，更開展副業賣咖啡，只為提供到最好嘅生活環境俾屋企人。放假嘅時候，寧願減少休息嘅時間，都要享受親子時間，有時甚至親自接送仔囡上學，做個廿四考爸爸。而陳茵媺話就話係家庭主婦，係不少女生嘅終生目標，但工作同生活壓力絕對不比陳豪少。佢不時都會一拖三出遠門，獨自帶著仔囡到加拿大探親，完全體現為母則強嘅精神。佢除左盡力成為陳豪嘅賢内助，亦努力將愛情保鮮，結婚後仍然會為二人嘅感情付出，不時熬夜親手製作相片集或小手工，好好保存大家嘅甜蜜回憶；生日又會自製蛋糕，令陳豪讚不絕口。即使陳茵媺有時要出席活動，陳豪亦會犧牲自己嘅私人時間照顧家庭，二人之間嘅分工一早就有共識，做好互補嘅角色，長久以來保持良好嘅溝通，不會積下秘密，係呢段愛情長跑嘅秘訣。

無論工作有幾忙，陳豪都堅持每年會同陳茵媺去二人世界嘅旅行，為多謝佢盡心盡力照顧屋企，亦要享受夫妻間嘅浪漫時光，係愛妻號的典範！二人最真摯的告白並不只是花言巧語，更是永恆不變嘅承諾。

 #單對單服務 #speeddating #dating #matching #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享 #陳豪 #陳茵媺

#香港交友約會業總會 #香港婚活 #單身男女 #HKRD #HKMDI #HK Romance Dating #Speed Dating #matching

作者: 張惠萍、黃嘉如 (HK Romance Dating Ltd創辦人) www.hkrd.com.hk / goldenmatching.com

上一篇Speed Dating單身資訊: 女生必學渣男鑑定術！專家數暖男與渣男5大差別
下一篇Speed Dating單身資訊: [名人愛情錄] 縱使姊弟戀不被看好 兩人仍堅定愛著對方